सांस्कृतिक विभागाच्यावतीने विविध उपक्रमांचे/ कार्यक्रमांचे आयोजन कनिष्ठ महाविद्यालयात केले जाते. विद्यार्थ्यांच्या सुप्त गुणांना वाव मिळावा आणि त्यांच्या कलागुणांसाठी हक्काचे व्यासपीठ उपलब्ध व्हावे तसेच विद्यार्थ्यांमधील विविध अभिजात कलांची ओळख व्हावी हा सांस्कृतिक विभागांतर्गत वर्षभरात घेण्यात येणाऱ्या कार्यक्रमांचा उद्देश असतो.

सदर २०२४ – २०२५ या ही शैक्षणिक वर्षाकरिता आपल्या कनिष्ठ महाविद्यालयामध्ये सांस्कृतिक मंडळ स्थापन झाले. महाविद्यालयामध्ये सांस्कृतिक मंडळाचे नियोजनबद्ध काम होण्यासाठी अभ्यंकर कुलकर्णी कनिष्ठ महाविद्यालयाचे  प्राचार्य डॉ. मकरंद साखळकर सर व उपप्राचार्य श्री. सुनील गोसावी सर यांचे अमूल्य मार्गदर्शन मिळाले.

विद्यार्थ्यांचे अभ्यासासोबत, अभ्यासेत्तर उपक्रमामध्ये प्रगती घडवून आणणे हे या सांस्कृतिक मंडळाचे उद्दिष्ट असते. त्याचबरोबर गायन, वाद्य, नृत्य आणि नाट्य या अभिजात कलांची ओळख व्हावी व विद्यार्थ्यामधील विश्वास आणि सादरीकरणाचे कौशल्य विकसित व्हावे तसेच अभिव्यक्ती स्वातंत्र्याची ओळख व्हावी यासाठी वर्षभरात विविध कार्यक्रमांचे आयोजन करणे हाच या सांस्कृतिक मंडळाचा मुख्य उद्देश असतो.